Fréttaflutningur ? hjá Fréttablaðinu

Ég sit og horfi á kosningasjónvarpið þar sem ríkisstjórnin heldur velli með 32 menn og meðan ég sit hér og horfi á sjónvarpið kemur Fréttablaðið inn og viti menn þar stendur stórum stöfum á forsíðunni:

STJÓRNIN FALLIN EFTIR  SKELL FRAMSÓKNAR.

Maður getur ekki annað en spurt sig, um hvers konar fréttamennsku sé hér að ræða. Meirihlutinn hefur sveiflast fram og til baka í alla nótt eins og laufblað í vindi. Ég get ekki annað sagt en hér sé um frekar hlutdræga fréttamennsku að ræða. Hvernig komust fréttablaðsmenn að þessari niðurstöðu á undan öllum, án þess að endanleg niðurstaða lægi fyrir?

Án nokkurra sleggjudóma leyfi ég mér að henda hérna fram fyrirsögn á visir.is kl. 05.03 "Stjórnin virðist ætla að hafa það af"

Áhugavert ....

Fréttaskýring: Bjargar Íslandshreyfingin stjórnarmeirihlutanum?

Athugasemdir

[Herdís Sigurjónsdóttir, 13.5.2007 kl. 10:36]

Þarna gildir ekki "Fyrstur með fréttirnar"

Ótrúlega spennandi nótt, stjórnin hélt velli og er ég alsæl með kjördæmið mitt kragann, 6 Sjálfstæðismenn á leið á þing.

[Per Krogshøj, 15.5.2007 kl. 09:09]

Er nú ekkert nýtt við þetta, mín kæra. Ritstjórn Fréttablaðsins verður nú seint talin góð, enda eru þeir í eigu illra manna, nýta 80% undir auglýsingar, við síðustu mælingu, og hafa ósjaldan gerst málgagn sinna eigenda og stundað hvítþvott vina sinna.