Spennan magnast - Ríkisstjórnarsamstarfinu lokið

Nú fyrir stundu var ríkisstjórnarsamstarfi Sjálfstæðisflokks og Framsóknarflokks slitið eftir 12 ára farsælt samstarf. Miklar spekúlasjónir hafa verið uppi um framhaldið, en sá tæpi meirihluti sem náðist í kosningum var ekki nægur til þess að hægt væri að halda áfram með samstarfið.

Flokkarnir sem mynduðu með sér kaffibandalagið á síðasta kjörtímabili hafa verið að gera hosur sínar grænar gagnvart Sjálfstæðisflokknum undanfarna daga, enda langþreyttir á því að vera í stjórnarandstöðu. Það kemur reyndar ekki á óvart og það hlítur að teljast eðlilegt að stjórnmálaflokkur vilji komast í ríkisstjórn til þess að koma sínum málefnum til leiðar.

Samkvæmt fréttum þá eru stjórnarmyndunarviðræður Sjálfstæðisflokks og Samfylkingar á teikniborðinu. Meirihluti þjóðarinnar hlítur að fagna því þar sem fram hefur komið í skoðanakönnunum að flestir vilji sjá samstarf Sjálfstæðisflokks og Samfylkingar.

Nú er bara að bíða og sjá hvort þessir tveir flokkar nái málefnalegri samstöðu .... Ég tel að allar líkur séu á því, og að þetta sé farsæl niðurstaða sem flestir geti vel við unað.

Ekki grundvöllur fyrir áframhaldandi samstarfi stjórnarflokkanna

Athugasemdir

[Guðbjörn Guðbjörnsson, 17.5.2007 kl. 16:20]

Já, Erla! Ég tel þetta skref í rétta átt. Í tilefni af þessu setti ég saman ríkisstjórn:

Forsætisráðuneyti
Geir Hilmar Haarde

Dóms- og kirkjumálaráðuneyti
Þorgerður Katrín Gunnarsdóttir,

Fjármálaráðuneyti
Árni Mathiesen

Heilbrigðis- og tryggingamálaráðun.
Guðlaugur Þór Þórðarson

Samgönguráðuneyti
Kristján Þór Júlíusson

Sjávarútvegsráðun.
Sturla Böðvarsson

Forseti Alþingis
Björn Bjarnason

Utanríkisráðuneyti
Ingibjörg Sólrún Gísladóttir

Iðnaðar- og viðskiptaráðuneyti
Ágúst Ólafur Ágústsson

Félagsmálaráðuneyti
Jóhanna Sigurðardóttir

Landbúnaðarráðun.
Kristján L. Möller

Menntamálaráðun.
Guðbjartur Hannesson

Umhverfisráðuneyti
Össur Skarphéðinsson

Kveðja,

Guðbjörn Guðbjörnsson