Ég myndi hugsa mig tvisvar um væri ég í Starfsgreinasambandinu

Mér fannst ótrúlegt að hlusta á viðtal við framkvæmdastjóra Starfgreinasambandsins í morgun á Bylgjunni. Maðurinn hélt því fram að búið væri að ákveða að Landsvirkjun yrði einkavædd, Kjartan Gunnarsson yrði forstjóri og að búið væri að úthluta S-hópnum svokallaða ákveðinn hluta af kökunni. Þessar samsæriskenningar framkvæmdastjórans voru svo birtar á heimasíðu Starfgreinasambandsins. Það er augljóst að maðurinn misnotar aðstöðu sína í pólitískum tilgangi. Ég myndi hugsa mig tvisvar um ef að ég í Starfsgreinasambandinu.

Það sem mér fannst jafnframt merkilegt var að fjölmiðlar gleyptu þessar samsæriskenningar alveg hráar og birtu þetta sem fyrstu frétt. Þar með náði þessi ágæti maður sínu fram - ég vona að fjölmiðlar vandi sig betur og reyni að sjá fyrir þegar menn koma fram undir fölsku flaggi í pólitískum tilgangi.

Þetta var í raun engin frétt, Sjálfstæðisflokkurinn fer ekki í felur með ályktanir sínar eins og má sjá á svörum forsætisráðherra í þessari frétt. Í ályktun um umhverfismál og auðlyndanýtingu á Landsfundi kom eftirfarandi fram varðandi íslensk orkufyrirtæki:

Íslensku orkufyrirtækin eru í dag leiðandi þekkingarfyrirtæki Landsfundur fagnar aðkomu einkaaðila að útrás orkufyrirtækjanna. Tímabært er að leysa úr læðingi krafta einkaframtaksins svo að íslensk sérþekking og hugvit fái notið sín til fulls í þeirri útrás. Landsfundur leggur til að skoðaðir verði kostir þess að færa eignarhald ríkisins á orkufyrirtækjum yfir til einkaaðila, sérstaklega með tilliti til samkeppnis- og jafnræðissjónarmiða.


mbl.is Telur líklegt að fleiri orkufyrirtæki verði einkavædd
Tilkynna um óviðeigandi tengingu við frétt

Velferð og verðmætasköpun haldast í hendur

Í dag var baráttudagur verkamanna haldinn hátíðlegur. Í tilefni dagsins var farið í kröfugöngur og baráttufundir haldnir víða um land.  Það er gaman að vera Íslendingur á þessum degi verkalýðsins, ég leyfi mér að efast um að hægt sé að finna samfélag þar sem verkamenn hafa það betra en hér á Íslandi.

Hér er nánast ekkert atvinnuleysi, 75% kaupmáttaraukning frá 1994, búið er að greiða niður allar erlendar skuldir ríkissjóðs, öflugt og fjölbreytt atvinnulíf, fjármunum sem varið er til menntunar eru með því hæsta sem gerist í heiminum, hagvöxtur hefur verið um 4,5% á ári að meðaltali frá 1996, skattar hafa verið lækkaðir og hátekju-og eignarskattur lagðir niður og svo mætti lengi telja.

Grétar Már Þorsteinsson, forseti ASÍ sagði norrænu velferðarsamfélögin einkennast af góðri menntun fyrir alla, jöfnuði og jafnrétti og traustum réttindum launafólks. Þetta er sá grunnur sem þjóðfélag þarf að byggja á til að takast á við þau úrlausnarefni sem nútímasamfélög standa frammi fyrir. Ég get nú tekið undir flest af því sem Grétar segir nema kannski jöfnuðinn. Ég tel að það sé okkur ekki til hagsbóta að reyna að steypa alla í sama form þannig að við getum sagt að hér sé jöfnuður, allir hafi það jafnskítt og enginn megi hafa það betra en sá næsti. Ég tel mun mikilvægara að tryggt sé að hér hafi allir einstaklingar jöfn tækifæri.

Ísland er eitt ríkasta land í heimi og mikilvægt að svo verði áfram, því það er ljóst að verðmætasköpun og öflugt velferðarkerfi haldast í hendur.


mbl.is „Velferð fyrir alla“
Tilkynna um óviðeigandi tengingu við frétt

Liverpool vs Chelsea 1. maí í kosningamiðstöðinni

1. maí verður leikur LIVERPOOL vs CHELSEA sýndur beint á risaskjá í kosningamiðstöð ungra sjálfstæðismanna í Húsi verslunarinnar.   Allir velkomnir.

Leikurinn hefst kl. 18.45 - boðið verður upp á léttar veitingar ....W00t


Stelpupartý á fimmtudaginn

Stelpupartý á fimmtudaginn 

Næstkomandi fimmtudagskvöld, 3. maí milli kl. 18:00 og 20:00 verður Kvennahóf á vegum sjálfstæðiskvenna í Iðusölum, Lækjargötu 2a. 

Hófið hefst með inngangsorðum Þorgerðar Katrínar Gunnarsdóttur, varaformanns Sjálfstæðisflokksins,
og í framhaldi munu þekktar konur úr atvinnulífinu taka þátt í pallborðsumræðum.

Í boði verða ljúfar og léttar veitingar - láttu sjá þigWizard

Kvenframbjóðendur Sjálfstæðisflokksins verða á staðnum og svara spurningum.


Stelpupartý á fimmtudaginn

Næstkomandi fimmtudagskvöldið, 3. maí milli 18:00 og 20:00 verður Kvennahóf á vegum sjálfstæðiskvenna í Iðusölum, Lækjargötu 2a. 

Hófið hefst með inngangsorðum Þorgerðar Katrínar Gunnarsdóttur, varaformanns Sjálfstæðisflokksins,
og í framhaldi munu þekktar konur úr atvinnulífinu taka þátt í pallborðsumræðum.

Í boði verða ljúfar og léttar veitingar - láttu sjá þigWizard

Kvenframbjóðendur Sjálfstæðisflokksins verða á staðnum og svara spurningum.


Eru menntamál kosningamál?

Öflugt og skilvirkt menntakerfi er ein af grunnstoðum samfélagsins og forsenda fyrir vexti þess og velsæld. Undanfarin ár hafa átt sér stað miklar breytingar í skólamálum á Íslandi. Grunnskólarnir voru færðir til sveitarfélaganna, einkaaðilum var gert kleift að stofna og reka, leikskóla, grunnskóla, framhaldsskóla og háskóla. Þetta hefur leitt af sér byltingu í námsframboði og hafa tækifæri Íslendinga til þess að mennta sig hafa stóraukist. Ekki nóg með að skólum hefur fjölgað verulega, þá hefur fjölbreytni milli skólanna jafnframt aukist.

 

Um 97% þeirra sem ljúka grunnskóla hefja nám í framhaldsskóla og var brautskráningarhlutfallið 84%  úr framhaldsskóla árið 2004 samkvæmt tölum OECD. Ef við lítum til háskólanna þá var brautskráningarhlutfallið um 50%  árið 2004, en það var hæsta hlutfall innan OECD það árið, en meðaltalið var 34,8%. Á undanförnum árum hafa Íslendingar einnig tekið forystu þegar kemur að fjölda stúdenta í háskólanámi, en árið 2000 voru 10,5% Íslendinga á aldrinum 20-40 ára í háskólanámi, en árið 2004 var þetta hlutfall komið upp í 15% sem setur okkur í fyrsta sæti á norðurlöndunum. Háskólanemum hefur fjölgað stöðugt síðan þessi mæling var framkvæmd og má búast við að næsta könnun færi okkur enn framar.

Sjálfstæðisflokkurinn hefur lagt metnað sinn í að hér á Íslandi sé öflugt menntakerfi og að einstaklingar hafi jöfn tækifæri til náms. Samkeppni og valfrelsi hefur verið innleitt í skólakerfið, ásamt fjölbreytilegu rekstraformi. Aldrei hafa fleiri Íslendingar verið við nám og aldrei hefur meiri fjármunum verið varið til menntunar á öllum skólastigum.

 

Ef menntamál eru helsta kosningamálið í dag þá þarf Sjálfstæðisflokkurinn ekki að kvíða niðurstöðu kosninga 12. maí því á Íslandi hefur átt sér stað bylting í menntamálum. Auðvitað má alltaf gera betur, en Íslendingar geta verið stoltir af þeim árangri sem náðst hefur undanfarin ár í skólamálum.


Sumargleði í Húsi verslunarinnar

Við opnuðum kosningaskrifstofuna okkar í dag með pompi og prakt í Húsi verslunarinnar. Fólk fjölmennti enda mikið um að vera, formaður flokksins mætti á svæðið, ásamt öðrum frambjóðendum í Reykjavík.  Það var hugur í mönnum og mikil stemming ríkti á nýju kosningaskrifstofunni, boðið var upp á óperuídífusöng, kaffi og með því. Ný könnun sýndi að flokkurinn fengi 28 alþingismenn kjörna yrði gengið til kosninga í dag, þar af 13 nýja þingmenn, 7 konur og 6 karla. Það væri ekki leiðinlegt ef þetta væri niðurstaða kosninga.

 Það þarf vonandi ekki að taka það fram að allir eru velkomnir á kosningaskrifstofuna, en hún verður opin frá 16-21 virka daga og 13-17 um helgar.

Minni jafnframt á teiti vina okkar í Suðvesturkjördæmi, en félög ungra standa fyrir stuði annað kvöld kl. 20.00 í Lindarhverfinu ... rétt hjá Nings... þarf að skoða nánar hvar kosningaskrifstofan er niðurkomin.. og þangað eru að sjálfsögðu allir velkomnir.


mbl.is Sumrinu fagnað í rólegheitum víðast hvar á landinu
Tilkynna um óviðeigandi tengingu við frétt

Ungir sjálfstæðismenn fögnuðu vetrarlokum

Það var mikið fjör á DECO í Austurstræti í gær, en við ungir sjálfstæðismenn fögnuðum vetrarlokum. Það var allt pakkað af fólki á þessum nýja skemmtistað. Gaman að sjá svo mörg ný andlit sem vonandi slást með okkur í baráttuna í framhaldinu.

Það var ansi sérstök stemming í miðbænum eins og gefur að skilja, helmingur Austurstrætis var lokað til að byrja með vegna brunans, en fólk lét það ekki hafa áhrif á sig og fjölmennti í gleðina.  En þess má geta að eigandi Deco er jafnframt eigandi skemmtistaðarins Pravda sem brann í gær.

 


Mikill skaði í miðbænum

Ég var að vinna niðri í bæ þegar eldurinn kviknaði, það var sorglegt að horfa á hvernig eldurinn breiddist milli þessara gömlu húsa sem eiga sér rúmlega 200 ára sögu. Slökkviliðsmennirnir stóðu sig vel, þrátt fyrir erfiðar aðstæður.  Vatnið rann niður eftir öllu Austurstrætinu og reykurinn umhlukti miðbæinn. Þetta var einstök sjón og erfitt að standa aðgerðarlaus við slíkar aðstæður, en maður þakkar fyrir að þetta hafi gerst að degi til og tekist hafi að rýma þessa staði og koma í veg fyrir skaða á fólki.

Mér finnst slökkviliðsmenn og lögregla eiga hrós skilið fyrir góð vinnubrögð. Jafnframt fannst mér það gott framtak hjá lögreglustjóranum okkar að boða til blaðamannafundar og upplýsa íbúa borgarinnar um stöðu mála.


mbl.is Talið að eldurinn hafi kviknað út frá ljósum í söluturni
Tilkynna um óviðeigandi tengingu við frétt

« Fyrri síða | Næsta síða »

Um bloggið

Erlan

Höfundur

Erla Ósk Ásgeirsdóttir
Erla Ósk Ásgeirsdóttir

Heimdellingur með meiru.....

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • d-sv4
  • d-rn4
  • d-su2
  • d-su3
  • d-su4

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband