Einkaframkvæmd?

Það er gott að þessi mál eru komin í farveg og er það fagnaðarefni að tvöföldun þessara vega hafi orðið ofan á hjá samgönguráðherra, en nú er bara að vona að verkefnisstjórnin velji að setja verkið í einkaframkvæmd. En hvers vegna einkaframkvæmd? Með því að velja einkaframkvæmd getur ríkið nýtt sér kosti einkaframtaksins án þess að einkavæða. Ávinningurinn við slíka framkvæmd er sá að kostir virkrar samkeppni í hönnun, rekstri og byggingu samgöngumannvirkja eru nýttir. Jafnframt má færa rök fyrir auknum möguleika á hagræðingu og nýsköpun með aðkomu einkaaðila.

Útboð á tvöföldun Suðurlandsvegar og Vesturlandsvegar undirbúið

Athugasemdir

[Egill Jóhannsson, 12.4.2007 kl. 00:08]

Almennt tek ég undir með hugmyndum um einkaframkvæmd ef það verður til þess að hægt sé að flýta framkvæmdum. En í samræmi við blogg sem ég skrifaði 24. febr. og annað blogg aðeins fyrr þá átta ég mig ekki á þeirri forgangsröðun að breikka Vesturlandsveg frá Mosfellsbæ upp að Kollafirði. Sú breikkun er óþarfi á þessu stigi að því gefnu að fjármagnið sem sparast fari í að flýta Sundabraut því hún mun draga úr umferðarálagi í gegnum Mosfellsbæ.